ခလုတ်တိုက်မိတဲ့ရယ်စရာဟာသများ

*အပျိုလေးမို့ပါရှင်*

တိုက်နယ်ဆေးရုံကလေးသို့လှည်း တစ်စီးနှင့် တင်လာသော လူနာတစ်ဦး ရောက်လာသည်။
လူနာမှာ အမျိုးသမီး လူနာဖြစ်သည်။ အသက်အရွယ် ငယ်ငယ်ဖြစ်သည်။ နုနယ်ပျိုမြစ်သော
အနှီ မိန်းကလေး လူနာမှာ တော၏ သမီးပီပီ နွားစာစဉ်းရင် ၀ဲဘက်လက်မှာ ဓားစက်
ထိသွား၏။ သွေးများအထွက်လွန်ကာ သတိ ပင် မရတစ်ချက်၊ ရတစ်ချက်
ဖြစ်နေခဲ့သည်။အတော်ခေါင်သော ရွာမှ ဤတိုက်နယ်ဆေးရုံထိ လာပို့ခြင်း ဖြစ်သည်။
လှည်းမောင်းသူ၊ အကူအညီ အမျိုးသားအပြင် လူနာ၏ မိခင် အဘွားကြီး ငိုကြီး
ချက်မနှင့် လိုက်ပါလာ၏။တာဝန်ရှိ ဆရာဝန်၊ သူနာပြုများ လုပ်ငန်း စဉ်အရ
စမ်းသပ်ပြီးနောက် ဆရာဝန်က လူနာ၏ သွေးအမျိုး အစားကို စစ်ပြီး လူနာကို “အိုသွေး”
သွင်းရမယ်ဟု ပြောသော အခါ၊ ရိုးသားလှသော လူနာရှင် မိခင်ကြီးက “ကျွန်မသမီး
နုနုထွတ်ထွတ်လေးကို အိုသွေးတော့ မသွင်းပေးပါနဲ့ ဆရာဝန်ကြီးရယ်။ အပျိုလေးမို့
အပျိုသွေးပဲ သွင်းပါနော်”တဲ့။


*အညာဆီရော့*

ကိုရီးယား ဇာတ်လမ်းတွဲတွေကဖြင့် ပြုံးပြုံးတို့မြေ၊ အထက်အညာ၊ အောက်အကြေ၊
အလယ်မြေလတ် သူ့ သြဇာ မသက်ရောက်တဲ့ နေရာ ရှားတယ်။ အဲဒီ ရှားရှားပါးပါးTV မရှိ
ကိုရီးယားကား မကြည့်ဖြစ်နိုင်တဲ့ ရွာလေး တစ်ရွာကို၊ ပြုံးပြုံးတို့ မိသားစု
အလည် ရောက်ခဲ့ကြတယ်။
ဖေဖေ့ အသိဦးကြီးပေ၊ ဒေါ်ကြီးဖူးတို့ အိမ်မှာ ၀င်တည်းကြတယ်။ တောသူတောင်သား မြန်မာ
မိသားစု ဖြစ်တဲ့ ဦးကြီးပေတို့ မိသားစုကဖြင့် ဧည့်ဝတ်တွေ ကျေလိုက်သမှ။
သူတို့အိမ်မှာ ခဏလေး တစ်ညလေး တည်းရတာ စိတ်ကို ချမ်းသာလို့။ ပျော်လိုက်တာ။
တစ်ခုပဲ ပြောစရာ ရှိတယ်။ ည (၇) နာရီနဲ့ (၈) နာရီ သတင်းတွေ အပြီး ကိုရီးယား
ကားလေး မကြည့် ရတာပဲ။ ပြန်ရောက်မှ အိမ်စောင့် ကျန်ခဲ့တဲ့ အိုပါးကို စမြုံ့
ပြန်ခိုင်းရတော့မှာပဲ။ ညစာကျွေးတော့ ဟင်းတွေက စုံနေတာပဲ။ ဒေါ်ကြီးဖူးက
ဟင်းချက်လည်းကောင်း၊ အစပ်အဟပ်လည်း တည့်။ ဦးကြီးပေက “ဇွန်းပဲ ရှိတယ်ဗျ။
ခက်ရင်းကတော့ ကောက်ဆွတာပဲ ရှိတယ်။ လက်နဲ့ပဲ ကြိတ်ကြပေတော့ ဆရာတို့” ဆိုပြီး
လက်ဆေးခွက် လာပေးတယ်။ ဒေါ်ကြီးဖူးနဲ့ သူ့သမီးလေး “ချစ်ဖူးလွှာ”က ဟင်းခွက်တွေ
ချနေတုန်း စားပွဲဝိုင်းနဲ့ကို မဆံ့လောက်အောင် များနေပြီ။ ပြုံးတို့ မိသားစု
စားပွဲမှာ ၀ိုင်းထိုင်မိကြပြီ။ လက်ဆေးရင်း ဟင်းခွက် တချို့ကို မျက်စေ့ကရောက်၊
ပါးစပ်က ပြင်မိနေပြီ။ သွားရည် မယိုအောင် ထိန်းနေရတယ် ခွေးတောက်ရွက်နဲ့
ကြက်ရိုးဟင်းချို၊ မရမ်းသီးထောင်း ဆီဆမ်း၊ ကြက်သဲ ကြက်မြစ်ကို အရွက်စိမ်းနဲ့
အစိမ်းကြော်၊ လယ်ကြား ငါးပိရယ်၊ အတို့ အမြှုပ်စုံနဲ့ ကြက်ဆီပြန်၊ ၀က်ဆီပြန်၊
ငါးဆီပြန်ဟင်းတွေ . . . ပြုံးပြုံးလည်း ခုလို မစားရတာ ကြာတော့ စားချင် ဇောနဲ့
အဖေ အမေတို့ကို ဦးဦးဖျားဖျား ဇွန်းလေးနဲ့ ဟင်းတွေကော် ဦးချ ထည့်ပေးရင်းက
“ဟင်းတွေက စုံနေတာပဲ။ မြိန်စရာ။ ဒေါ်ကြီး ဖူးရယ် မင်္ဂလာ ရှိလိုက်တာ။ အညာဆီရော”
လို့ ကိုရီးယား လေသံလေး လွှတ်ခနဲ ထွက်သွားတော့ ဒေါ်ကြီး ဖူးက “သမီးရယ်
ဒေါ်ကြီးတို့ ဟင်းက အညာကဆီလည်း မရောဘူး။ အကြေက စားအုန်းဆီလည်း မစပ်ဘူး။
ဒေါ်ကြီးတို့ မြေလတ်ဒေသထွက် ပဲဆီသန့်သန့်၊ နှမ်းဆီ သန့်သန့်လေးတွေနဲ့ ချက်ထားတာ။
စားစား” တဲ့။ ပြုံးပြုံးတို့ သားအမိ သားအဖလည်း ထမင်း စားရင် တစ်ယောက်မျက်နှာ
တစ်ယောက် ကြည့်ပြီး ပြုံးလိုက်မိကြတယ်။ တကယ့်ကို အညာဆီရောပါပဲ။


*ကိုပြော့ ဒဏ်ခံသွားရသူ*

တစ်ရံရော အခါက ဆိုပါတော့။ ဂမ္ဘီရဆိုတဲ့ ရွာမှာ ဂမ္ဘီရ ဆန်ဆန် ထူးခြားတဲ့
ကောင်လေးတစ်ယောက် ရှိတယ်။ ခြောက်နှစ်ခွဲ ခုနှစ်နှစ် လောက်ထိ တေမိ ကျနေတာပဲ။
စကား တစ်ခွန်းမှ မပြောဘူး။ တစ်နေ့မှာတော့ မပြောစဖူး “အဘကြီး၊ အဘကြီး” လို့
ခေါ်လိုက်တယ်။ နောက်နေ့ကျတော့ သူ့ဘကြီးဟာ အုန်းပင် တက်ရာက လိမ့်ကျပြီး
သေပါလေရော။ သုံးနှစ်လောက် ကြာတော့ “အမေကြီး အမေကြီး အရှည်ကြီးနဲ့ တွေ့”လို့
ပြောနေပြန်တယ်။ နောက်နေ့ကျတော့ မြေပဲ ခြွေရင်း မြေပဲပင်ထွေး အောက်မှာ
ရောက်နေတဲ့ မြွေပွေးကိုက် (ပိုးထိ) လို့ ဆုံးပြန်တယ်။ သူ့အမေကြီး သပိတ်သွပ်တဲ့
နေ့မှာ ကြွလာတဲ့ ဆရာတော်ကို “ဘုန်းဘုန်း-ဒုံးဒုံး” လို့ ရေရွတ်ပြန်တယ်။
ဆရာတော်လည်း နောက်တစ်ရက်မှာ လေသင် ဒုံးဖြတ်ပြီး ပျံလွန်ရှာပါရော။ အားလုံးဟာ
ကောင်လေးခေါ်မှာ စကား ပြောမှာကို လန့်နေကြတယ်။ နှစ်နှစ်ကြာတော့ “ဗျို့ အဖေ
ဗျို့အဖေ” လို့ ခေါ်ပြန်တယ်။ သူ့ အဖေ လန့်သွားတယ်။ ငါ့အလှည့် နက်ဖန်
နောက်ဆုံးပဲဟလို့ သေမယ့် အချိန်ကို စောင့်နေရှာပြီပေါ့။ နောက်ရက်မှာ
ကောင်လေးတို့ တဲဘက်က ငိုသံတွေ ကြားရတယ်။ အင်း ဒီတစ်ခါတော့ သေအလှည့် ရှင်ဟာ
ကောင်လေး အဖေဆိုတာ သေချာ သွားပြီလို့ အတပ်တွေးကြ သိကြတယ်။ But, သို့သော်လည်း
တကယ်သေတဲ့ သူဟာ အများက သူ့ အဖေလို့ သိထားတဲ့ ကိုပြော့ မဟုတ်ဘဲ၊ တဲနားနီးချင်း
ကိုကြာကြီး ဆိုသူ ဖြစ်နေတယ်။ ကောင်လေးက မနေ့ကပဲ ဗျို့ အဖေ၊ ဗျို့ အဖေလို့ အခေါ်
ခံရသူဟာ ဘယ်သူလဲလို့ ကောင် လေးရဲ့ အမေဖြစ်တဲ့ မဆော့က လွဲပြီး ဘယ်သူ
သိနိုင်မလဲနော်။

*ပါးပေါ်မှာ မှိုတောင် တက်နေတယ်*

အထက်အညာ ဒေသက ရွာကြီး တစ်ရွာမှာ ကျင်ဝှမ်းလို့ အမည်ရှိတဲ့ ပေါက်ဖော်ကြီး
တစ်ယောက်ရှိတယ်။ သိပ်ရိုးတယ်။ သူ့မိန်းမ မသူဇာကို အလွန် ချစ်တယ်။ အလုပ်လည်း
သိပ်ကြိုးစားတာပဲ။ တစ်ရက်မှာတော့ ပေါက်ဖော်ကြီး ကျင်ဝှမ်းဟာ အောက်ပြည်အောက်
အရပ်မှာ စီးပွားရှာ သွားမယ်ပေါ့။ မသူဇာကို စိတ်မချဘူး၊ မှာစရာ ရှိတာတွေ
မှာကြားနေတယ်။ “တူဇာရေ ၀စိတ်ချတွားမယ်နော်။ နေ့ခင်းတွေမှာ တူများ အိမ်တွေ
ရှောက်မီလည်နဲ့။ ည တံခါးတွေ တေချာပိတ်။ တခိုးတွေ ဘာတွေ မလာရဲအောင် နောက်ဖေးမီး
ဖန်တီးလဲ ဖွင့်ထား။ နောက်မီးလင်း နေပစေ။ ၀ မန်မန် ပြန်ခဲ့မယ်။ ၀ ခယ်မလဲ
တွားမှာခဲ့မယ်။ ၀ပြန်ရောက်ရင် တနခါးတွေ လိမ်းထားနော်။ တူဇာ့ ပါးကို ၀ အားဗွာ
လုပ်မယ်။ ဘယ်လူမှ တူဇာ့ကို အပ်ဗွာ မလုပ်စေနဲ့” မသူဇာက ပြုံးပြုံးလေးနေပြီး
“စိတ်ချပါ ကျင်ကျင်ရယ်” လို့ ပြောပြီး ခေါင်းလေးငဲ့ ပါးလေး စောင်းပေးလိုက်တော့
ပေါက်ဖော်ကြီးကလည်း စောင်းငဲ့ထားတဲ့ ပါးလေးတစ်ဖက်ကို အပ်ဗွာအထပ်ထပ်လုပ်ပြီး
နှုတ်ဆက် ထွက်ခဲ့တော့တယ်။ ပေါက်ဖော်ကြီးဟာ အိမ်ထောင် ခွဲနေတဲ့ မသူဇာရဲ့ညီမ
မူယာရဲ့အိမ်ဝင်ပြီး (၀ခမယ်လည်း သွားမှာ ထားခဲ့မယ်) လို့ ပြောခဲ့တာကို သူဇာက
ဝါးခယ်မမြို့ အထိ သူ့ယောက်ျား သွားဦးမှာမို့ ခရီးစဉ် ကြာဦးမှာလို့
ထင်လိုက်တယ်လေ။ ပေါက်ဖော် ကြီးလည်း အရေးတကြီးနဲ့ သူ့ခယ်မ အိမ်ဝင်ပြီး မသူဇာကို
စောင့်ရှောက်ရန် မှာဘို့ မေ့သွားတယ်။ ပေါက်ဖော်ကြီး ခရီးထွက်ပြီး
နောက်နေ့ကတည်းက မသူဇာက သူ့ငယ်ချစ် ဒူးသန်နိုင်သန်းနဲ့ အိမ်မှာ ချိန်းချိန်း
တွေ့နေတော့တာပဲ။ နိုင်သန်းက ခြင်းခတ်ရင် ဖနောင့်ဖ၀ါးတွေထက် ဒူးနဲ့ခတ်တာများလို့
ဒူးသန် နိုင်သန်းလို့ ခေါ်ကြတာ။ သူ့ကွယ်ရာမှာတော့ ဒူးသန်နိုင်သန်းကို ဒု-သ-
န-သောလို့ အကြောင်း သိသူတွေက ခေါ်ကြလေရဲ့။ ပေါက်ဖော်ကြီး မရှိချိန်မှာ အိမ်မှာ
တွေ့ရုံမျှနဲ့ အားမရကြဘူး။ ဒီနေ့ဆို တောင်ပြုံးပွဲ သွားလည်ကြတယ်။ ညနေမှ
ပြန်လာတာ။ မှောင်ရီ ပျိုးပျချိန် နိုင်သန်းက သူဇာ အိမ်ထိ တက်လိုက်လာတယ်။
အိမ်ရှေ့ခန်းမှာ နိုင်သန်းကို ထားပြီး သူဇာက အခန်းထဲဝင် အ၀တ်လဲ၊ သနပ်ခါး
ပါးကွက်လေး ပါးနှစ်ဖက်မှာ ကွက်ပြီး ထွက်လာတယ်။ တောင်ပြုံးက ၀ယ်လာတဲ့ ကရေကရာ
မုန့်လည်း ပန်းကန်ထဲ ထည့်လာတယ်။ နိုင်သန်းဘေး ၀င်ထိုင်တယ်။ မုန့်လည်းစား၊
စကားတွေလည်းပြော။ နိုင်သန်း လက်တစ်ဖက်က သူဇာရဲ့ပုခုံးပေါ်မှာ။ သူဇာကလည်း
နိုင်သန်းကို မှီလျက်။ ပေါက်ဖော်ကြီး မရှိတဲ့ ရက်တွေမှာ ဒီလို နေလာတာ (၇) ရက်
(၈) ရက်ရှိပြီ။ “သူဇာ သိပ်ပျော်တာပဲ။ ကိုနိုင် နက်ဖန်လည်း ဆုံကြဦးစို့နော်”
“သူဇာ့ အဖိုးကြီးက ပြန်လာတော့မှာ မဟုတ်လား” “အိုး ကိုခိုင်ကလည်း သူက ၀ါးခယ်မ
အထိ သွားဦးမှာ မလာသေး ပါဘူး” “သူမလာ ကြာတိုင်း ကောင်းပေါ့ကွယ်။ အချစ်ကို
အာဗွားများများ ပေးရတာပေါ့” လို့ ပြောပြောဆိုဆို “ဟာ ကိုနိုင်က ကဲတယ်ကွာ။
သူများပါးက ခုတင် လိမ်းထားတဲ့ သနပ်ခါးတွေ ပျက်ကုန်ပြီ။ သွား လူဆိုး” “တူဇာရေ၊
တူဇာလေ ၀ ပြန်လာပြီဟေ့ ၀ပြန်လာပြီ” ပေါက်ဖော်ကြီး အသံကြားတော့ သူဇာနိုင်သန်း
ရင်ခွင်ထဲက ရုန်းပြီး နိုင်သန်းကိုလဲ ရင်ဘတ် တွန်းလွှတ်လိုက်တယ်။ “သွား သွား
နောက်ဖေးပေါက်ကနေ ပြေးတော့” သူဇာဟာ ပါးတစ်ဖက် ပျက်သွားတဲ့ သနပ်ခါး ပါးကွက်ကို
စမ်းမိပြီး ကမန်းကတန်း ကြံရာ ရသွားတယ်။ တောင်ပြုံးက ၀ယ်လာတဲ့ စားလက်စ ကရေကရာ
မုန့်တုံးမှာ ဖြူးထားတဲ့ မုန့်မှုံ့လေးတွေ ယူပြီး ပါးပေါ်ပွတ် ထားလိုက်တယ်။
ပေါက်ဖော်ကြီးက ရောက်ရောက်ချင်းပဲ သူဇာ နားကပ်တယ်။ သူဇာ့ ပါးလေးကို
လက်ညှိုးလေးနဲ့ မတို့ရက် တို့ရက်တို့ပြီး ခုလေးတင် သူဇာပွတ် တင်လိုက်တဲ့
ပါးပေါ်က မုန့်မှုံဖြူဝါ၀ါလေးကို လက်ချောင်းလေးတွေနဲ့ ပွတ်ဖယ်ချရင်းက “အလို ၀ ရဲ့
မီးမ တူဇာ၊ တစ်စာ (သစ္စာ)စိလယ်၊ ကြည့်စမ်းပါးပေါ်မှာ မှိုတောင်တက်နေတယ်။ ဒါမှ
ဝမီးမကွ-၀မီးမ။ အပ်ဗွာအပ်ဗွာ အပ်ဗွာနဲ့ ဘယ်နှစ်ဗွာမှန်းတောင် မသိဘူး။
မီးပျက်တဲ့ ရက် မဟုတ်တဲ့ အတွက် ဦးကျင်ဝှမ်း၊ မသူဇာတို့ အိမ်နောက်မှာတော့
နောက်မီးက လင်းလျက်။

*မဖြစ်လောက်တာလေးများ*

သတို့သားနဲ့ သတို့သမီးတို့ မိဘတွေ၊ ဒေါပွ နေကြလေရဲ့။ အကြောင်းကြောင်းကြောင့်
ဝါမ၀င်မီ ကပ်ပြီး ဖုတ်ပူမီးတိုက် မင်္ဂလာဆောင် ပေးကြရတာ။ ဒါပေမဲ့ လာရောက်
ချီးမြှင့်တဲ့ ပုဂ္ဂိုလ်တွေကို မြို့ရဲ့အထင်ကရ ဟော်တယ်မှာ ခမ်းနားစွာ
ဧည့်ခံရတယ်။ အဆင်ပြေတယ်။ ဒံပေါက်ကျွေးပြီး ရေခဲမုန့်ပါ ထပ်ဆင့် ကျွေးမွေးတယ်။
အဆင်ပြေတယ်။ ခြုံငုံ ပြောရရင် (စောင်၊ ပုဆိုး ခြုံပြီး ကွမ်းငုံသည်ကို
မဆိုလိုပါ။) အားလုံး အဆင်ပြေတယ်။ Butသို့သော် လည်း ကမ်းတဲ့ လက်ဆောင်ပစ္စည်းက
အဆင်မပြေဘူး။ စိန်ချယ်ပန်း ၃-၄ ပွင့်နှီးနဲ့ ချည်ပြီး စီးကရက် တစ်လိပ်ပဲ
ကမ်းရတာ။ အမှန်တကယ် ကမ်းဖို့ စီစဉ်ထားတာက ယပ်တောင် လှလှလေးတွေ။ အဲဒါတွေက
ခန်းမရဲ့ ထောင့်ထဲမှာပုံလို့။ လုပ်ပြီးမှ မကမ်းဖြစ်တာ။ သတို့သား သတို့သမီး
မိဘတွေက ဒါကို ဒေါပွ နေကြတာ။ ကမ်းမယ့် ယပ်တောင် အော်ဒါလက်ခံပေးတဲ့
ပုံနှိပ်တိုက်ပိုင်ရှင်လည်း မျက်နှာကို ပျက်လို့။ မင်္ဂလာဆောင်တွေကများ၊
အော်ဒါတွေက မပြတ်လက်ခံ နေရတာမို့ ဒီမင်္ဂလာဆောင် အတွက် ယပ်တောင်တွေတောင် မနေ့က
ညခင်းကမှ ရတာ။ ပြန်ပြင် လုပ်ပေးချိန်ကလည်း မရတော့ဘူး။ ပုံနှိပ်တိုက်
ပိုင်ရှင်ကြီးဟာ သူ့တိုက်ပြန်သွားပြီး အလုပ် သမားတွေကို ယမ်းပုံမီးကျ
ဆူပူကြိမ်း မောင်းတော့တာပေါ့။ “ဘယ့်နှယ်ကွာ အသုံး မကျတဲ့ ကောင်တွေ၊ စာစီတဲ့
ကောင်၊ ယပ် တောင်ကပ်တဲ့ ကောင်၊ ယပ်တောင်စည်းတဲ့ ထုပ်တဲ့ကောင်၊ ဘယ်မအေ ကောင်မှ
ဒီအမှားကို မမြင်ကြရအောင် မင်းတို့ သောက်လုံးတွေ အကုန်ကန်း နေကြသလား။ ဟင် မအေ၊
နှမ၊ ငါမသားတွေ” “ဆရာရယ် မင်္ဂလာယပ်က လှနေတာပဲ ဟိုဖက် ဒီဖက် ပန်းကနုတ်တွေ၊
ဒီဇိုင်း စာလုံး ပုံစံသစ်တွေနဲ့ ဘာများဖြစ်လို့လဲ” လို့ စာစီသူက မေးလိုက်တော့
“ဟဲ့ ဆဲမနာကောင်တွေ၊ ရော့ နင်တို့ ယပ်တောင်၊ နင်တို့ ပြန်ကြည့်၊ တစ်လုံးချင်း
ပြန်ဖတ်ကြည့်” ဆိုပြီး တိုက်ပုံခါးကြားထဲ ထိုး ထည်လာတဲ့ ယပ်တောင်ကို ကိုင်ပေါက်
ပြလိုက်တော့ ယပ်တောင်ကို ကောက်ပြီး ပြန်ဖတ်တဲ့ အခါ။ “သားနှင့် သမီးတို့၏ မင်္ဂလာ
ပွဲကို ကြွရောက် ချီးမြှင့် ကြပါသော မိတ်သင်္ဂဟအပေါင်းအား လှိုက်လှဲစွာ
ကျေးဇူးတင်ရှိပါသည်။ နှစ်ဖက်သေ မိဘများ”တဲ့ “အော် ဒါများ ဆရာရယ် နှစ်ဖက်သောမှာ
ရေးချ (-ာ) လေးလို သွားတာ၊ မဖြစ်လောက်ပါဘူး”တဲ့ ဗျာ။ ကောင်းရော။


*မကွာပါဘူး*

စကားမပြော၊ မပြုံးမရယ်နှင့်တစ်ချိန်လုံး ငေးငူနေသည့်စိတ်ရောဂါဝေဒနာရှင်
အမျိုးသားတစ်ဦးအား ဆရာဝန်ထံခေါ်၍ပြသရာ စိတ်ဝေဒနာရှင်က ရယ်မော လေသည်။
ဆရာဝန် ။ ။ ဘာဖြစ်လို့ရယ်နေတာလဲ။
စိတ်ဝေဒနာရှင် ။ ။ ဟား ဟား ဟား ...
ဆရာဝန် ။ ။ ဒီမှာ... ခင်ဗျားရယ်တာ ခဏရပ်လိုက်ပါဦး။ မေးစရာရှိလို့ပါ။
စိတ်ဝေဒနာရှင် ။ ။ ဟား ဟား ဟား ...
ဆရာဝန် ။ ။ ဒီမှာ... ခင်ဗျားရယ်နေတာ အခုချက်ချင်း ရပ်လိုက်ပါ။
စိတ်ဝေဒနာရှင် ။ ။ ဟုတ်ကဲ့၊ မရယ်တော့ပါဘူး။
ဆရာဝန် ။ ။ က.ဲ ..ပြော။ ဘာတွေသ ဘောကျလ့ို ဒီလောက်တောင် ရယ်နေရတာလဲ။
စိတ်ဝေဒနာရှင် ။ ။ သြော.် ..ဒီလိုပါသူတို့ကဆရာဝန်ဆီကျွန်တော့်ကို ပြဖို့
ခေါ်လာတာလို့ပြောတယ်။
ဆရာဝန် ။ ။ အဲဒီတော့...
စိတ်ဝေဒနာရှင် ။ ။ သူတို့ညာတာ ကျွန်တော်သိလို့ပါ။
ဆရာဝန် ။ ။ ဘာတွေညာလို့လဲ။
စိတ်ဝေဒနာရှင် ။ ။ ခင်ဗျားက ကျွန်တော်နဲ့ဘာမှမကွာဘူး။ အတူတူပဲ ဖြစ်နေတယ်လေ...
ဟား ဟား ဟား...
ဆရာဝန် ။ ။ 'ဗျာ'

*ဧဝဇာတ်လမ်း*

ဖန်ဆင်းရှင်ကို အာဒမ်က မေးသည်။
အာဒမ် ။ ။ဖန်ဆင်းရှင်။ ဧဝကို ဘာဖြစ်လို့ ပျောေ့ ပျာင်း နူး ညံ့ချစ်ခင်စ
ရာကောင်း အောင်ဖန်တီး ပေးထားရတာလ။ဲ
ဖန်ဆင်းရှင် ။ ။ ဒါမှ မင်း သူ့ကို စွဲလမ်းမှာပေါ့။ အလိုရှိမှာပေါ့။
အာဒမ် ။ ။ ပြီးတော့ ဘာဖြစ်လို့ ဧဝကို ဆွဲဆောင်နိုင်စွမ်းရှိအောင်
ဖန်တီးပေးထားရတာတုန်း။
ဖန်ဆင်းရှင် ။ ။ ဟ . . .။ ဒါမှ သူ့ကို မင်းကြိုက်မှာပေါ့။
အာဒမ် ။ ။ ဒါပေမဲ့ ဧဝက မလိမ္မာဘူး။ လုပ်ချင်ရာလုပ်၊ ပြောချင်ရာ ပြော၊
ဝတ်ချင်သလိုဝတ်တယ်။ မိုက်မဲတယ်။ ဘာဖြစ်လို့များ သူ့ကို အဲဒီလိုဖြစ်အောင်
ဖန်ဆင်းထားတာလဲ။
ဖန်ဆင်းရှင် ။ ။ အဲဒီလို လုပ်ပေးမထားရင် မင်းသူ့ကို မကြိုက်မှာစိုးလို့ပေါ့။
သူအဲဒီလိုတွေ မလုပ်ရင် မင်းက မိုက်မဲတော့မှာလေ။


*အပေးအယူ*

အမျိုးသမီးမိတ်ဆွေနှစ်ဦးလမ်းလျှောက်ရင်း စကားဖောင်ဖွဲ့သည်။
အေမီ ။ ။ မေရီရေ။ မင်း ရစ်ချတ်ကို သိတယ်မဟုတ်လား။ သူက တို့ကို လာပြောတယ်။
သူ့ဘဝမှာ တို့လောက်ချောတဲ့လှတဲ့ လူ မမြင်ခဲ့ဖူးဘူးတဲ့။ ဟင်း . . . ဟင်း . . .
ဟင်း။ ဟုတ်ပါ့မလားကွာ။
မေရီ ။ ။ ဖြစ်နိုင်ပါတယ်ကွ။ အချစ်မှာ မျက်စိမရှိဘူးဆိုတာ မင်း ကြားဖူးသားပဲ။
ပြီးတော့ ရစ်ချတ်ကလည်း မျက်မှန်မတပ် ထားရင် ဘာမှ သဲသဲကွဲကွဲမြင်တာမှ မဟုတ်တာ။

*လိုအပ်တယ် . . .*

အိမ်ထောင်သက်တမ်း ၂၅
နှစ်ခန့်ရှိပြီဖြစ်သောအမျိုးသားတစ်ဦးအားမိတ်ဆွေလူပျိုကြီးက
အိမ်ထောင်ရေးအတွေ့အကြုံများ မေးမြန်းလေသည်။
လူပျိုကြီး ။ ။ အိမ်ထောင်ရေးနဲ့ပတ်သက်ပြီး ဘာတွေသိထားရမလဲ ပြောစမ်းပါဦး။
မိတ်ဆွေ ။ ။ အများကြီးပါပဲကွာ။
လူပျိုကြီး ။ ။ အရေးကြီးတာတွေပြောပါဦး။
မိတ်ဆွေ ။ ။ သည်းခံစိတ်ရှိရမယ်။
လူပျိုကြီး ။ ။ ဟုတ်တာပေါ့။
မိတ်ဆွေ ။ ။ ဇနီးအပေါ်နားလည်မှုပေးရမယ်။
လူပျိုကြီး ။ ။ ဒါလိုအပ်တာပေါ့။
မိတ်ဆွေ ။ ။ အိမ်မှုကိစ္စတွေ ဝိုင်းကူရမယ်။
လူပျိုကြီး ။ ။ အားလပ်ချိန်မှာ လုပ်ပေးရမှာပေါ့။
မိတ်ဆွေ ။ ။ သြော်... အရေးကြီးတာရှိတယ်ဟေ့။
လူပျိုကြီး ။ ။ ပြောပါဦး။
မိတ်ဆွေ ။ ။ အချိန်ရရင် ဂျူဒိုနဲ့ကရာတေးသင်တန်းလည်း တက်ထားဖို့ လိုအပ်တယ်။
လူပျိုကြီး ။ ။ ဘာဖြစ်လို့လဲ...
မိတ်ဆွေ ။ ။ ဇနီး နဲ့ရန်ြဖစ်တဲ့အခါ ကိုယ်မခံရအောင်လို့ပေါ့။
လူပျိုကြီး ။ ။ 'ဟေ'

ကမ္ဘာသစ်မှပြန်လည်ကူးယူဖော်ပြပါသည်။

သူငယ်ချင်းများရယ်မောခြင်းဖြင့်အသက်ရှည်နိုင်ကြပါစေ........

လေးစားစွာဖြင့်
H.L.T